Para-pauerlifting bo‘yicha O‘zbekiston terma jamoasi ham mazkur Para Osiyo o‘yinlarida ilk medalga sazovor bo‘ldi. Erkaklar o‘rtasida -72 kg vazn toifasida yurtimiz sharafini himoya qilgan Bekzod Jamilov 204 kg natija bilan bronza medalini qo‘lga kiritdi.

Para-dzyudo bellashuvlarida Oʻzbekiston terma jamoasi aʼzosi Munisa Madrimova kumush medalga sazovor boʻldi. Hamyurtimiz J2 klassida -70 kg vazn toifasidagi hal qiluvchi bahsda imkoniyatni boy berib qoʻydi va musobaqani ikkinchi o'rinda yakunladi.

Para-dzyudo boʻyicha Oʻzbekiston terma jamoasining yana bir aʼzosi kumush medal sohibiga aylandi. Ayollar oʻrtasida J1 klassida +70 kg vazn toifasida ishtirok etgan Feruza Ergasheva kumush medalni qoʻlga kiritdi.

• Paraosiyo o‘yinlari
• Xitoy