“Xiaomi” yangi “Mijia Glasses Camera” gajetini e’lon qildi. Bu nom o‘zini to‘liq oqlaydi: ushbu qurilma smartfonni cho‘ntakdan chiqarmasdan yuqori sifatli rasm suratga olish imkonini beruvchi juft kameraga ega aqlli ko‘zoynaklardir. Shu bilan birga, ko‘zoynaklarning o‘zi qutblangan, shuning uchun ular ko‘zlarni quyosh nurlaridan himoya qila oladi.

Asosiy kamera moduli 50 megapikselli, shuningdek, 8 megapikselli telefoto linzalari ham mavjud. Ularning kombinasiyasi 5x optik va 15x gibrid zumga erishish imkonini beradi. Ko‘zoynakda olingan fotosuratlar va videolar smartfon bilan sinxronlashtiriladi, siz 100 daqiqagacha bo‘lgan videolarni yozib olishingiz mumkin (32 GBli disk tufayli).

“Xiaomi” qurilmani ayyorlik bilan ishlatilmasligiga javob beradi. Gajet ko‘zga tashlanmaydigan yoki yashirin bo‘lmasa-da, kamera rejimiga o‘tilganda, foydalanuvchi o‘zining suratga olinayotganini tushunishi uchun unda LED sensori ishga tushadi.

Qurilma kengaytirilgan haqiqatni ham qo‘llab-quvvatlaydi. Ishga tushirilganda faqat ikkita xususiyat e’lon qilinadi: real vaqtda tarjimon (ingliz tilidan xitoy tiliga) va kamerani boshqarish uchun AR ko‘rsatmalari. Kelajakda xususiyatlar ro‘yxati yangilanishlar orqali kengaytirilishi va’da qilingan.

Kengaytirilgan reallik rejimida tasvir “Sony” tomonidan ishlab chiqilgan 0,23 dyuymli MicroLED displeyda va ko‘zoynak ustidagi tasvirni aks ettiruvchi prizmada ko‘rsatiladi. Kamera va aqlli funksiyalarni quvvatlantirish 3 Gb tezkor xotiraga ega sakkiz yadroli “Qualcomm” prosessoridir. Wi-Fi va Bluetooth 5.0 smartfonga ulanish uchun ishlatiladi, biroq oflayn rejimda ishlash imkoniyati haqida xabar berilmagan.

Massiv ko‘rinishiga qaramay, gajetning og‘irligi bor-yo‘g‘i 100 gramm. Uning 1020 MA/soat sig‘imli akkumulyatori 10 Vt simsiz zaryadlashni qo‘llab-quvvatlaydi, uning yordamida siz 30 daqiqada 80 foizgacha quvvatlashingiz mumkin.

“Mijia Glasses Camera” aqlli ko‘zoynagi “Xiaomi” kompaniyasi elektron bozorida 3 avgust kuni sotuvga chiqariladi. Qurilmani 370 dollar evaziga buyurtma orqali harid qilish mumkin. Keng miqyosda sotuvga chiqarilganidan so‘ng narx 400 AQSH dollariga ko‘tariladi.

• Ko'zoynak
• Xiaomi
• Xitoy
• texnologiya