Markaziy bank tomonidan joriy yilning 30-martidan boshlab “Yangi O‘zbekiston” va “Navro‘z” mavzulariga bag‘ishlangan oltindan tayyorlangan 15 va 20 gramm og‘irlikdagi hamda kumushdan tayyorlangan 31,1 gramm og‘irlikdagi esdalik tangalari sotuvga chiqarilmoqda.

Qayd etilishicha, mazkur esdalik tangalari ularning texnik xususiyatlarini tasdiqlovchi asillik sertifikatlari bilan sotuvga chiqariladi.

Xaridorlar tijorat banklarining filiallarida oltin va kumush esdalik tangalarini naqd va naqd pulsiz hisob-kitoblar asosida sotib olish mumkin.

 Shuningdek, esdalik tangalari sotuvi yo‘lga qo‘yilgan tijorat banklari filiallarida belgilangan tartibda qaytarib sotib olish amalga oshiriladi.

• Esdalik tanga
• Markaziy bank