6°
Kechasi 0°
Shu kunlarda Toshkent viloyat hokimi Zoyir Mirzayev boshchiligidagi delegatsiya Xitoy Xalq Respublikasida bo‘lib turibdi. Asosiy maqsad savdo va investitsiyaviy hamkorlikni kuchaytirish borasida bir qator manfaatli uchrashuvlar o‘tkazishdir.
Hozir Toshkent viloyatida 700 dan ortiq Xitoy kapitali asosidagi qo‘shma korxona faoliyat yuritmoqda. Ularda o‘n minglab o‘zbekistonliklar mehnat qilmoqda. Xususan, O‘zbekiston Respublikasining XXRdagi elchixonasida Zoyir Mirzayev Shandun provinsiyasi tadbirkorlari bilan muloqot qildi. Muzokaralarda sanoat, qurilish, maishiy xizmat ko‘rsatish sohalarida hamkorlikni rivojlantirish masalalari xususida so‘z borgan.
Shuningdek, aholi dam olish maskanlari, xiyobon va istirohat bog‘larini qayta tiklanuvchi energiyaga o‘tkazish, “Xitoy tajribasi” asosida qayta jihozlash borasida fikr almashilgan. Muzokaralarda Shandun provinsiyasi ilmiy-ommabop tadqiqotlar assotsiatsiyasining bosh kotibi Su Chjitszyun, “Sky Success International Investment Co.” va “Sky Asia International Investment Limited” kompaniyasi direktori Sun Xayfen, “Zhongru Ke Xinda Construction Group Co.” qurilish kompaniyasi bosh direktori Gao Szyunxay singari 10 dan ortiq taniqli tadbirkorlar ishtirok etgan.
Toshkent viloyati hokimligi va “Beijing China sciences runyu environmental technology co ltd” kompaniyasi o‘rtasida hamkorlik memorandumi imzolandi. Unga ko‘ra, Yangiyo‘l shahrida qiymati 120 million dollar bo‘lgan chiqindini qayta ishlash zavodi qurish rejalashtirilgan. Loyiha ishga tushsa kuniga 800 tonna chiqindi yoqish orqali ishlaydigan elektr stansiyasi aholiga xizmat ko‘rsatishni boshlaydi.
Mazkur loyihani kelgusida yanada kengaytirib, kunlik quvvatini 4 ming tonna chiqindini zararsiz yoqish orqali elektr energiyasi ishlab chiqarish ko‘zda tutilgan. Yaratilayotgan ish o‘rni 150 nafardan ortadi. Stansiya to‘liq quvvat bilan ishga tushganida, 400 million dollar sarmoya olish kutilmoqda.
Toshkent viloyati delegatsiyasi vakillari keyingi manzili Anxoy provinsiyasi Xefey shahri bo‘lib, u yerda ishlab chiqarish quvvatlari bilan tanishuv va muzokaralar o‘tkazilishi rejalashtirilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
