“You tube”dagi birinchi video 2005-yilning 23-aprel kuni yuklangan.

Bundan 17 yil avval “You tube” asoschisi Javed Karim “Men hayvonot bog‘ida” deb nomlangan 18 soniyalik videoni joylashtirdi. O‘shandan beri ushbu lavha 231 milliondan ortiq ko‘rilgan. Hozirgacha bu Karimning kanalidagi yagona video hisoblanadi.

“Mana, biz fillar oldida turibmiz. Fil xartumining ajoyib tomoni shundaki, ular chindan ham uzun va bu juda zo‘r”, – degan Javed Karim.

Karimning videosida hozirgi kundagi ko‘plab “You tube” ijodkorlarining videolaridan farqli o‘laroq, an’anaviy bo‘lgan “Mening kanalimga obuna bo‘ling!” shuningdek, “layk, baho, sharh” belgisi mavjud emas.

“Men hayvonot bog‘ida” lavhasi platformaga joylanganidan bir yil o‘tib, Karim va uning hammuassislari uni “Google”ga 1,65 milliard dollarga sotib yuborishgan.

“You tube” ma’lumotlariga ko‘ra, endilikda dasturga har oyda 2 milliarddan ortiq foydalanuvchilar tashrif buyuradi.

Bugunga qadar, nafratli nutq videolarining ko‘payishi (shu jumladan taniqli oq tanlilar videolari); muayyan ijodkorlar atrofidagi dramalar (jumladan, irqchilik va antisemitizm ayblovlariga duch kelgan “You tube”ning eng yirik yulduzlaridan biri “PewDiePie”); va ba’zi ijodkorlarning umidsizliklari dasturdagi faollikni kamaytirib yuborgan.

Biroq, ijodkorlarni yuksaltirishga yordam berish (Masalan, “Miranda Sings” kanali, yoki bolalar uchun mo‘ljallangan mult kanallar); original teleko‘rsatuvlar va filmlar bilan striming xizmati “You tube Red”ni ishga tushirish; va barcha turdagi kontent uchun markazga aylanish platformaning yuksalishiga katta hissa qo‘shgan.

Hisob-kitoblarga ko‘ra “You tube”dagi kontentlar har kuni o‘rtacha hisobda bir milliard soat (!) tomosha qilinadi.

Bu natijalarning ibtidosi aynan o‘sha hayvonot bog‘ida suratga olingan Javed Karimning videosidan boshlangan.

• YouTube