Yoz faslida telefonimizdan foydalanmasak ham o‘z-o‘zidan qizib ketish holatlari kuzatiladi. Bunga ba’zilar normal holat sifatida qaraydi, lekin doimiy issiqlik uning ishdan chiqishiga yoki boshqa muammolar yuzaga kelishiga sabab bo‘ladi. Buning oldini olish uchun quyidagi tavsiyalarga amal qilishni mutaxassislar maslahat berishadi.

To‘g‘ridan-to‘g‘ri quyosh nuridan saqlang

Bu qizib ketishning asosiy sababi hisoblanadi. Quyosh nuri va telefon g‘ilofi natijasida issiqlik darajasi yanada oshadi. Natijada uyali aloqaning ekrani ishdan chiqishi, ranglarni tiniq ko‘rsatmasligi kabi oqibatlar yuzaga keladi.

Telefoningizni mashinada qoldirmang

Quvvatlantirish uchun ham uyali aloqani mashinada qoldirmaslik kerak. Chunki havo isigani sari, mashinalar to‘xtab turganida issiqxona effekti bo‘ladi.

Telefoningizni tozalang

Xotiraning doimiy to‘la bo‘lishi qurilmaning bosim bilan ishlashiga sabab bo‘ladi, issiqlik darajasi esa bu bosimni yanada oshiradi. Hattoki GPS, Bluetooth, Wi-Fi, LTE’lardan uzoq foydalanish ham gadjetni qizitib yuboradi.

Gʻilofni to‘g‘ri tanlang

Hozirda telefon g‘iloflarining turli ko‘rinishlari mavjud. Sumka, kitob va boshqa ko‘rinishdagi. Yoz kunlarida iloji boricha gadjetni har tomonlama o‘rab oladigan (qishki kiyimlarga o‘xshaydigan) g‘iloflardan foydalanmang.

Muzlatmang

Ba’zilar qizib ketgan telefonni kondisioner yaqiniga yoki muzlatgichga qo‘yib sovutib olishadi. Yo‘q bunday qilish yaramaydi. Shunchaki undan biroz muddat foydalanmang. Shuning o‘zi yetarli.

• Android
• Quyosh
• Telefon