Bilasizmi, hayotimiz davomida juda ko‘p antiqa va g‘alati narsalarga duch kelganmiz.

Deylik, biror narsadan qo‘rqish deymizmi yoki qaysidir holatda qilinishi kerak bo‘lgan ishda ikkilanib turishmi farqi yo‘q.

Ba’zi insonlar biror nimadan qo‘rqsa yoki xavfsirasa o‘sha ish sodir bo‘lgan vaziyatlarni ham ko‘p eshitganmiz. Bu holat fanda “Myorfi qonuni” deb ataladi.

Keling sizlar bilan eng mashhur yettita yozilmagan va antiqa qonunlarni ko‘rib chiqamiz.

1. Myorfi qonuni: Nimadir sodir bo‘lishidan qanchalik ko‘p qo‘rqsangiz, uning sodir bo‘lish ehtimoli shunchalik katta bo‘ladi

2. Kidlin qonuni: Agar muammo aniq yozib qo‘yilsa, uning yarmi hal bo‘lgan deyavering.

3. Gilbert qonuni: Biror masalani hal qilishga kirishar ekansiz, kerakli natijaga erishishning eng yaxshi usullarini topish uchun doimo shaxsan mas’ulsiz.

4. Uilson qonuni: Agar bilim va intellekt birinchi o‘ringa qo‘yilsa, pul o‘z-o‘zidan kela boshlaydi.

5. Folklend qonuni: Agar qandaydir masala yuzasidan qaror qabul qilish zaruriyati bo‘lmasa — qabul qilmang.

6. Parkinson qonuni: Ish unga ajratilgan barcha vaqtni band qiladi, hattoki u haddan ziyod bo‘lsa ham, bu esa samaradorlikni pasaytiradi.

7. Pareto prinsipi (80/20 qoidasi): Juda ko‘p vaziyatlarda 80 foiz natijani 20 foizlik sa’y-harakat va omillar ta’minlab beradi.

                                                                                                          Humoyunmirzo Ergashev maqolasi

• Ilmiy unvon
• Qonun
• ilm-fan
• mashhurlar