O‘zini sevishni istagan va yuziga sog‘lom parvarishni ravo ko‘ruvchi ayollar bu qo‘llanmani o‘qib chiqishi zarur. Negaki, hozir iqlim va iste’mol mahsulotlarimiz tarkibi o‘zgargan. Zararli moddalar, changlar, quyoshning ultrabinafsha nurlari terini zararlamay qolmaydi.

Yaxshi matodan tikilgan yostiq jildlaridan foydalaning
Bu masalada ipak matodan tikilgan yostiq jildlaridan foydalanganingiz ma’qul. Teri va sochlarning holati ko‘p jihatdan biz uxlaydigan narsalarga bog‘liq. Paxta namlikni o‘ziga singdiradi, uni teridan “tortib oladi” va mato g‘ijimlari esa terida qoladi, yoqimsiz, xavfsiz bo‘lmagan belgilar qoldiradi. Bundan tashqari, paxta kechasi teridagi kirlarni osongina o‘zlashtiradi. Yostiq jildingizni yumshoqrog‘iga o‘zgartirib ko‘ring va farqni juda tez sezasiz.

Namlagichlarni qo‘llang
Biror bir sababga ko‘ra namlagich sotib olishga tayyor bo‘lmasangiz, uyga iliq suv solingan katta idishlarni joylashtiring — bu, ayniqsa, kuz-qish davrida, isitish vositalari uydagi havoni quritganda va shu bilan birga teri, sochlar uchun mos keladi. Namlagich — nafaqat ichkaridan, balki tashqaridan ham namlaydi.

Tungi niqoblardan foydalaning
Terini go‘zal va sog‘lom saqlash uchun namlagichlardan foydalanish kerak, biroq ko‘pchilik kun davomida bu uchun yetarli vaqt ajratmaydi. Bunday holatda tungi namlovchi niqoblar mukammal yechim bo‘la oladi. Uxlaysiz va teringiz tekislanadi, namlik bilan to‘yingan, shu bilan birga tobora chiroyli bo‘ladi.

Sochlar uchun to‘g‘ri tanlangan sochiqlarni sotib oling
Sochingizni mikrofiber sochiq bilan quritish nafaqat quritish vaqtini qisqartiradi, balki sochlarning shikastlanishini ham oldini oladi. Nam sochlar og‘irroq, shuning uchun sindirish va shikastlash osonroq bo‘ladi, biroq mikrofiber sochiq yordamida ehtiyotkorlik bilan quritish zararni minimallashtirishi mumkin.

Tez makiyaj qiling
Aslida, to‘liq makiyaj qilish uchun besh daqiqa kifoya qiladi. Birinchi namlantiruvchi tonal kremni, so‘ngra ko‘z ostidagi maydonga ozgina yashiruvchi vositani va ko‘zga tush surting. Qoshlaringizni qalam bilan bo‘yang, biroz rumyana va lab bo‘yog‘ini surting.

Makiyajni tozalashda salfetkalardan foydalaning
Salfetkalarni yotoqxonada, to‘shak yonida saqlang. Terining go‘zalligi va salomatligiga yomon ta’sir ko‘rsatuvchi ish — tunda makiyajni yuvmaslik. Agar teringizning chiroyli ko‘rinishga ega bo‘lishini istasangiz, uni vaqtida tozalash kerak. Agar juda charchagan bo‘lsangiz, salfetkalardan foydalanish eng oson yo‘l hisoblanadi. Bundan tashqari, ularning aksariyati nafaqat terini tozalaydi, balki uni namlaydi va yorqin ko‘rinishga ega bo‘lishini ta’minlaydi.

• Go'zallik