Avval xabar qilganimizdek, bugun 10-sentabr kuni Axborot va ommaviy kommunikatsiyalar agentligining anjumanlar zalida O‘zbekiston Oliy va o‘rta maxsus ta'lim vazirligi rahbar xodimlari ishtirokida matbuot anjumani tashkil etildi.

Tadbirda O‘zbekiston Respublikasi Oliy va o‘rta maxsus ta'lim vaziri o‘rinbosari Sarvar Buzrukxonov, vazirlik bosh boshqarma boshlig‘i Abduvali Xoliqov, boshqarma boshlig‘i Maqsud Hamroyev, Axborot xizmati bosh mutaxassisi Bahriddin Shayvaliyev hamda bir qator nufuzli oliy o‘quv yurtlari rektorlari ishtirok etdi.

Ma’lumotlarga ko‘ra, endilikda super-kontraktni ham ikkiga boʻlib toʻlash imkoni berilishi mumkin. Ammo hozirgacha super-kontrakt narxlari va uning qoʻshimcha tartibi tasdiqlanmagan. Super-kontraktni toʻlash tartibini yengillashtirish bilan bogʻliq loyihalar ishlab chiqilayotgani uchun hujjat kechikmoqda. Qaror hukumat tomonidan tasdiqlangach, tez orada eʼlon qilinadi, deya OTM vaziri o‘rinbosarining so‘zlarini keltirmoqda Xabardor.uz muxbiri.  

Qolaversa, super-kontrakt to'lovi uchun ta’lim krediti loyihasini ishlab chiqish topshirig‘i Markaziy bank oldiga qo‘yildi. Endilikda bu masala bo‘yicha talabalar hududiy bank bo‘limlari orqali ma’lumot olishlari mumkin.