So‘nggi vaqtlarda salbiy rollari bilan tomoshabinlar e’tiboriga tushgan aktrisa Zinnura Ro‘zmatova Ahad Qayum haqida keskin va tanqidiy fikrlar bildirdi. 

“Men Ahad aka bilan 6-7 yildan beri tanishman. Stilist bo‘lib ishlar yurgan vaqtlarimda ular yonimga kelsalar sochlarini tartibga keltirib qo‘yardim. Ijod olamiga kirib kelganimdan keyin esa menga telefon qilib, “Seni aktrisa sifatida ko‘ra olmayapman” dedi. Keyin men ham “Sizni shoir sifatida ko‘raman, lekin rejissyor yoki aktyor sifatida ko‘rmayman” deganman. Qo‘lidan kelsa, meni rolga taklif qilsin, shunda ham rejissyorlikni boshqa odam qilsa, o‘ylab ko‘rishim mumkin. Ahad Qayum suratga olgan filmlarni ko‘rmayman, uni prodeyuser deb tan olmayman ham. Bu odamni birinchi raqamli piarchi deb bilaman”, dedi aktrisa. 

Ijodkorning aytishicha, Ahad Qayum suratga olgan filmlarning aksariyatida “konfet” aktyorlar rol ijro etadi. Aktrisa Ahad Qayumni eng avvalo tayinli jamoa yig‘ib olishga chaqirgan.