1. Klassik Uilyam Shekspir 768 marta ekranlashtirilgan asarlari bilan reytingning eng cho‘qqisini egalladi. Uning Romeo va Julyetta, Gamlet, Makbet kabi mashhur qahramonlari zamon bilan hamnafas bo‘lib, kinoqahramonlarga aylanmoqda.  

2. Ingliz yozuvchisi Charlz Dikkens hayotlik chog‘idayoq olamshumul mashhurlikka erishdi, o‘limidan so‘ng ham XIX asrning eng yirik nosiri bo‘lib qolmoqda. Uning asarlari asosida 287ta ekranizatsiya suratga olingan, ularning eng mashhurlari Skrudj haqidagi rojdestvo hikoyalari, Oliver Tvist va Devid Kopperfild haqidagi filmlardir. 

3. Anton Pavlovich Chexovning asarlari juda ko‘p spektakllar hamda filmlarga asos bo‘ldi. Yozuvchining vatanida va undan tashqarida jami 287ta film yaratilgan. 

4. Aleksandr Dyuma (ota) fransuz yozuvchisi, dramaturgi va jurnalisti bo‘lib, uning sarguzasht romanlari hamma zamonlarda rejissyorlarning ijodiy g‘oyalari uchun manba bo‘lib xizmat qiladi. Uning asarlari asosida 230ta film yaratilgan, ularning eng mashhur qahramonlari mushketyorlar, graf Monte-Kristo va albatta, temir niqobli odamdir. 

5. Ilmiy fantastika janri yaratuvchisi, o‘zining mistik va detektiv asarlari bilan mashhur bo‘lgan Edgar Allan Po ko‘plab rejissyorlarga ilhom bag‘ishladi. Uning asarlari asosida 220ta film suratga olingan. 

6. Robert Lyuis Stivensonning asarlari 215 marta ekranlashtirilgan. Sobiq ittifoq hududidagi deyarli barcha aholi 1988-yilning “Xazinalar oroli” multfilmini yaxshi eslaydi. Shu nomda 1883-yilda chiqqan roman yozuvchiga katta mashhurlik olib kelgan. 

7. Shotland va ingliz yozuvchisi Artur Konan Doyl o‘zining detektiv va sarguzasht asarlari bilan mashhur. 1939-yildan hozirgacha film va seriallari ekranlardan tushmaydigan izquvar Sherlok Xolms – aktual kinoqahramon bo‘lib qolmoqda. Artur Konan Doyl asarlari asosida 214ta ekranizatsiya ishlangan. 

8. Gans Kristian Andersen o‘z asarlari bilan g‘ururlangan bo‘lardi, chunki ular 202 marta ekranlashtirilgan. Andersen ertaklari qahramonlari bo‘lgan Suv parisi, Irkit o‘rdakcha, Qor malikasi va boshqalar butun dunyo bo‘yicha bir necha avlodning sevimli qahramonlariga aylandi. 

9. Aka-uka Grimmlar butun dunyoga nemis folklori va nemis filologiyasi yaratuvchisi sifatida mashhur. Ularning ertaklari asosida 197ta film suratga olingan, ularning ko‘pchiligi  multiplikatsion filmlardir. Aka-uka Grimmlar har doim rejissyor va multiplikatorlarni ilhomlantirib kelgan, ularning yaqinda chiqqan muvaffaqiyatli loyihalaridan biri – “Rapunsel: chalkash hikoya” (2010) multfilmidir. 

10. Amerika hikoyanavisligi ustasi O.Genrining asarlari 196 marta ekranlashtirilgan. Maftunkor Merilin Monro epizodligida suratga olingan mashhur “Qizil tanlilar yo‘lboshchisi va boshqalar…” filmi O.Genri hikoyalari asosida suratga olingan.