Toshkent shahrida qalbaki “Torpeda” nomli tabobat giyohlarining muomalaga kiritilishining oldi olindi.

Bosh prokuratura huzuridagi Departamentning Yunusobod tumani bo‘limi hamda DXX xodimlari hamkorligida tadbirkorlik subyektlarining huquqlarini himoya qilish yuzasidan o‘tkazilgan tezkor tadbirda fuqarolar Q.B., F.B. va boshqalar tarkibi noma’lum bo‘lgan kukunlarni Namangan viloyatida istiqomat qiluvchi fuqarodan qoplarda xarid qilib, yashash xonadonida tashkil etgan yashirin sexda maxsus idishlarga qadoqlab “D.I.” MCHJ tomonidan ishlab chiqarilgan tabobat giyohining nomini qo‘yib, “QR-kod” markirovkalarini qalbakilashtirib, 1 000 dona "Torpeda" haqiqiy tabobat giyohi sifatida fuqarolar B.I. va O.O.ga 120 mln so‘mga sotgan vaqtida ashyoviy dalillar bilan ushlanganlar.

Mazkur holat yuzasidan Jinoyat kodeksining 168-moddasi(firibgarlik) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, tergov harakatlari o‘tkazilmoqda.

• Firibgarlik
• Jinoyat
• Kodeks
• tergov