Айни кунларда Нью-Йорк (АҚШ)да 2022 йилги АҚШ очиқ чемпионатининг тўртинчи тур учрашуви бўлиб ўтмоқда.

Эътиборлиси, ушбу босқичда 26 ёшли россиялик теннисчи Даниил Медведев австралиялик 27 ёшли теннисчи Ник Кирёс (рейтинг рақами 25) дан мағлубиятга учраганидан сўнг, жаҳон рейтингида етакчилик қилишни тўхтатиши аниқ бўлди.

2 соат 54 дақиқа давом этган беллашув Кирёснинг 7:6 (13:11), 3:6, 6:3, 6:2 ҳисобидаги ғалабаси билан якунланди.

Шу тариқа, амалдаги турнир чемпиони Медведев дунёнинг биринчи ракеткаси унвонини бой бериб, чорак финалга чиқа олмай, АҚШ Очиқ чемпионатини тарк этади. Кирёс эса кейинги босқичда яна бир россиялик теннисчи Карен Хачанов (31) га қарши баҳс олиб боради.

Қайд этиш мумкин, айни пайтда дунёнинг биринчи ракеткаси унвонига учта даъвогар бор — испанлар Рафаэл Надал (3) ва Карлос Алкарас (4), шунингдек, норвегиялик Каспер Руд (7).

Турнирнинг тўртинчи раундида Надалнинг рақиби америкалик Френсис Тиафо (26) бўлади, яна бир испаниялик ўйинчи Карлос Алкарас(4) эса Хорватия вакили Марин Чилич (17) билан тўқнаш келади, Каспер Руд эса мусобақанинг 1/4 финал босқичи доирасида италиялик Маттео Берреттини (14)га қарши баҳс олиб боради.

• Даниил Медведев
• Катта дубулға
• Теннис