Суриянинг шимоли-шарқида жойлашган Ҳасака вилоятида Сурия Демократик Кучлари (СДК) тинч аҳолига қарши оммавий қотилликларда айбланмоқда. Бу ҳолат курд тузилмалари билан Дамашқдаги ўтиш даври ҳукумати ўртасида оташкесим эълон қилинганидан сўнг вазиятнинг кескин ёмонлашувига олиб келди.

Маҳаллий манбалар ва ижтимоий тармоқлардаги хабарларга кўра, 18–19 январь кечаси СДК бўлинмалари Ҳасака шаҳрининг араблар яшайдиган маҳаллалари ва қишлоқ ҳудудларида, жумладан шаҳарнинг жанубий атрофлари ҳамда Гвейран маҳалласида кенг кўламли рейдлар ўтказган. Гувоҳларнинг айтишича, операциялар олдидан электр таъминоти ўчирилган, шундан кейин уйлар тинтув қилинган ва тинч аҳолига ўқ узилган.

Араб ва қабила манбаларига кўра, ҳалок бўлганлар сони 120 нафардан ошган, айрим хабарларда эса қурбонлар сони 150–300 нафарга етгани айтилмоқда.

Аввалроқ, Сурия армияси ва курдлар ўзаро интеграция бўйича битим имзолагани айтилган эди. Аммо сулҳ бузилган.

• Suriya