Канадалик ёш қизалоқ Симар Ҳурана бўш вақтини видео ўйинларга сарфлаш ўрнига, уларни яратишгақарор қилди. 6 ёшу 335 кунлик қиз болаларга соғлом ва носоғлом озиқ-овқат нима эканлигини осон йўл билан айтиб берадиган таълим дастурини ишлаб чиқди. Шу туфайли у дунёдаги энг ёш дастурчига айланди. Унинг ютуғи Гиннеснинг рекордлар китоби мутахассислари томонидан қайд этилди.

Қизнинг отаси қизининг математикадаги ноёб қобилиятини эрта кашф этган. Симар ўқув видеоларини томоша қилиб, математикани мустақил ўрганган. Узоқ вақт давомида ота-она қизалоққа ўқитувчи топа олмаган, аммо Симар дастурлаш мактабига ўқишга киргач, муаммо ҳал қилинган.

Ўйин ғояси қизнинг кундалик ҳаётидаги воқеадан келиб чиққан. Оила шифокори Симар ва унинг синглисини кўп арзимас овқат истеъмол қилгани учун танбеҳ берган. Ёш дастурчи тўғри овқатланиш тамойилларини билиш қанчалик муҳимлигини тушунди ва бу билимларни тенгдошлари билан бўлишишга қарор қилди.

• Гиннес
• Lifestyle
• қизиқарли