Андижонда ҳайвонот боғи ишчиси айиқлар ҳужум қилиши оқибатида вафот этди. У ҳайвонларни овқатлантирмоқчи бўлган.

Ҳайвонот боғи масъуллари воқеани тасдиқлаб, ишчи хавфсизлик қоидаларига амал қилмаганини таъкидлаган.

2023 йил 03 январь куни соат 16:00 ларда Хўжаобод тумани Мустақилликнинг 27 йиллиги МФЙ ҳудудида жойлашган Андижон ҳайвонот боғи ишчиси А.Г. айиқ ёввойи ҳайвонига овқат бериш мақсадида унинг қафасига кирган вақтида, айиқ унга ташланиб, бўйин қисмидан тишлаб олиши оқибатида оғир тан жароҳати олиб, ҳодиса жойида вафот этган.

Мазкур ҳолат Хўжаобод тумани ИИБ томонидан тегишли тартибда рўйхатдан ўтказилиб, ҳодиса жойи туман ИИБ тезкор-тергов гуруҳи томонидан кўздан кечирилган.

Фуқаро А.Г.олган тан жароҳатларининг оғирлик даражаси ва унинг ўлим сабабини аниқлаш мақсадида суд-тиббиёт экспертизаси тайинланган.

Марҳумнинг қизи ҳодисага масъуллар томонидан етарлича баҳо берилмаётганини айтиб, маурожаат билан чиққан.

• Андижон
• Ҳайвонот боғи
• O'lim