Тошкент шаҳрининг Учтепа туманида Оних русумли автомобил уриб юборган 20 ёшли қиз шифохонада вафот этди. Йўл-транспорт ҳодисаси 2026-йил 22-октабр куни соат 15:00 атрофида КХАЙ кўчасида содир бўлган. Бу ҳақда “Миллар” дастурида хабар берилди.

Дастлабки маълумотларга кўра, 2006-йилда туғилган ҳайдовчи автомобилни бошқариб кетаётиб, тартибга солинмаган пиёдалар ўтиш жойидан ўтаётган қизни уриб юборган.

Ҳодиса гувоҳларининг айтишича, зарбадан сўнг қиз оғир жароҳат олган. Воқеа жойига тез тиббий ёрдам чақирилиб, жабрланувчи шифохонага олиб кетилган. Бироқ шифокорлар кўрсатган ёрдамга қарамай, унинг ҳаётини сақлаб қолишнинг имкони бўлмаган.

Маълум қилинишича, ҳалок бўлган қиз олий таълим муассасасининг иккинчи босқичида таҳсил олган. Ҳодиса содир бўлган ҳудудда ҳаракат хавфсизлигини таъминлаш мақсадида светофор ўрнатилган.

Ҳозирда ҳолат юзасидан Тошкент шаҳар Ички ишлар бош бошқармаси ҳамда Йўл ҳаракати хавфсизлиги бошқармаси масъул ходимлари суриштирув ишларини олиб бормоқда.