“Apple”, аввалроқ ваъда қилинганидек, “Windows 11” учун “Apple TV” ва “Apple Music” иловаларини чиқарди. Кўриб чиқиш версиялари аллақачон бепул юклаб олиш учун “Microsoft” дўконида мавжуд.

Иловалар “macOS” (“Apple” компаниясининг хусусий операцион тизими) учун мавжуд версияларга ўхшайди, лекин “Windows” услуби ва бошқаруви учун бироз ўзгартирилган.

“Apple TV” иловаси “Smart TV” каби ишлайди, бу фойдаланувчиларга “Apple TV+” ва “Apple TV” каналлари, шунингдек “iTunes” дўконидаги фильмлар ва телешоуларни томоша қилиш имконини беради.

“Apple Music” иловаси “macOS” версиясидан нусха олади, бироқ унда ҳозирча “lyrics demo” функцияси мавжуд эмас.

Улар билан биргаликда “Windows” дўконида “Apple Devices” иловаси пайдо бўлди, бу фойдаланувчиларга “Apple” қурилмаларини “Windows” шахсий компьютери ёрдамида бошқариш имконини беради. Илова синхронлаш ва захиралаш учун “iTunes” ўрнини босади, шунингдек, “iTunes”дан фойдаланмасдан прошивкани тиклаш имконини беради.

Учта янги илова ҳам “Windows 11” ёки ундан кейинги версияни талаб қилади. “Apple” расмийларининг таъкидлашича, улардан бирортасини ўрнатиш “iTunes”нинг шахсий компьютерда очилишига тўсқинлик қилади. Фойдаланувчилар хизматдан фойдаланишни давом эттириш учун иловаларни ўчириб ташлашлари керак бўлади.

• Apple
• Windows
• iOS