Австралия ҳукумати Россияга қарши санкцияларни кенгайтирди. 16 киши, жумладан, қишлоқ хўжалиги вазирлиги раҳбари Дмитрий Патрушев, транспорт вазири Виталий Савелев, шунингдек, гимнастикачи ва Миллий медиа гуруҳи директорлар кенгаши раҳбари Алина Кабаева ва бир қанча тадбиркорлар қора рўйхатга киритилган.

Санкциялар рўйхати Австралия ташқи ишлар вазирлиги сайтида эълон қилинган.

Рўйхат:

• Қишлоқ хўжалиги вазири Дмитрий Патрушев,
• Транспорт вазири Виталий Савелев,
• Қурилиш ва уй-жой коммунал хўжалиги вазири Ирек Файзуллин,
• Болалар ҳуқуқлари бўйича вакил Мария Лвова-Белова,
• “Газфонд” НПФ президенти Юрий Шамалов,
• Согаз директорлар кенгаши аъзоси Михаил Клишин,
• “Росгеология" ОАЖ бошқаруви раиси Сергей Горков,
• Киев Плошчад компанияси асосчиси Год Нисанов,
• АФК Система собиқ президенти Эвгений Новитский,
• Григорий Березкин, ЭСН компаниялар гуруҳи эгаси,
• Игор Кесаев, Меркурий компаниялар гуруҳи президенти,
• ишбилармонлар Александр Плехов ва Игор Путин,
• Согаз бошқаруви раиси ўринбосари Михаил Путин,
• МРТ компаниялар гуруҳи директорлар кенгаши раиси Роман Путин,
• Алина Кабаева.

Санкциялар Россиянинг Украинадаги жанговар ҳаракатларига жавобан жорий этилган.

Маълумот учун, жорий йил май ойида Австралия “Россия сегодня” халқаро ахборот агентлиги бош директори Дмитрий Киселёвга нисбатан санкциялар жорий қилган эди. Санкция рўйхатидан Россия давлат хизматчилари, жумладан, ФСБ директорининг биринчи ўринбосари Сергей Королев, РТ бош директори Алексей Николов ва Фавқулодда вазиятлар вазирлиги раҳбари вазифасини бажарувчи Александр Чуприян ҳам бор.

• Амалдорлар
• Австралия
• Россия
• Санкция
• Вазирлик