2022 йил учун Ўзбекистон Республикасининг Давлат бюджети тўғрисидаги Қонун матни эълон қилинди.

Мазкур қонунга кўра, 2022 йил 1 январдан бошлаб Автотранспорт воситаларини сотиб олганлик учун йиғим бекор қилинмоқда.

Маълумот учун, шу кунга қадар:

– янги (фойдаланишда бўлмаган) автотранспорт воситалари бўйича харид қилиш нархининг 3 фоизи миқдорида;

– фойдаланишда бўлган автотранспорт воситалари бўйича эса эксплуатация муддатидан келиб чиқиб, ҳар бир от кучига 11 фоизгача йиғим ундирилар эди.

Эслатиб ўтамиз, аввалроқ автомобил олди-сотди шартномасини нотариал расмийлаштириш учун ундириладиган давлат божи, транспорт воситасининг от кучи ва ишлаб чиқарилган санасидан қатъий назар, БҲМнинг 3 баробари (810 минг сўм) этиб белгиланиши ҳақида маълум қилинган эди.

• Автомобил
• Йиғим