Бугун, 3 декабрь куни Ўрта Чирчиқ тумани  Халқ депутатлари Кенгашининг навбатдан ташқари сессияси бўлиб ўтди. У депутатларнинг ташаббуси билан ўтказилди. Бу ҳақда Ўрта Чирчиқ тумани ҳокимлиги Ахборот хизмати хабар бермоқда.

Навбатдан ташқари сессияда туман Кенгашининг 30-“Уйшун” сайлов округидан сайланган депутат Феруза Бабашеванинг депутатлик ваколатини муддатидан илгари тугатиш масаласи кўриб чиқилди.

Хабарда келтирилишича, “Халқ депутатлари вилоят, туман ва шаҳар кенгаши депутатининг мақоми тўғрисида”ги Қонуннинг 3-моддасига асосан, Феруза Бабашеванинг депутатлик ваколатлари муддатидан илгари тугатиш тўғрисидаги қарорни сессияда қатнашган 24 нафар депутатдан 23 нафари ёқлаб овоз берган.

Сессия ишида Феруза Бабашеванинг депутатлик ваколатлари муддатидан илгари тугатилди.

• Ўрта_Чирчиқ
• сессия