Жаҳон метеорология ташкилоти ҳамда “Ўзгидромет” прогнозларига кўра, эртага Тошкент шаҳрида ғарбий нам ҳаво оқимлари кириб келиши олдидан қисқа муддатли чанг-тўзон кузатилиши мумкин.

Кун давомида айрим ҳудудларда қисқа муддатли ёмғир ва момақалдироқ бўлиши, шамол эса баъзи жойларда 15 м/с гача кучайиши кутилмоқда. Шу сабабли ҳавода чанг заррачалари, хусусан ПМ10 миқдори вақтинча ортиши мумкин.Мутахассислар нафас йўллари, аллергия ва юрак-қон томир касалликлари бор фуқароларга эҳтиёт бўлишни, имкон қадар узоқ вақт очиқ ҳавода юрмасликни тавсия этди.

Айни пайтда атмосфера ҳавоси ҳолати махсус комиссия томонидан доимий мониторинг қилинмоқда.

• Chang
• yomg‘ir