The Sun нашрининг хабар беришича, америкалик Мел Плаканика исмли 31 ёшдаги аёл қон кетиши ва қориндаги кучли оғриқ сабабли шифокорга мурожаат қилган. Турли текширувлар ўтказилган ва бу аёлда ўз органларидан ташқари яна қўшимча бешта орган борлиги аниқланган.

Аёлнинг сўзларига кўра, ошқозони атрофида чидаб бўлмайдиган даражада кучли оғриқ кузатилаверган ва сурункали равишда ичидан қон кетиб юрган. Олдин сканердан ўтганида, бачадонининг яқинида ўсимта борлиги аниқланган. Аммо бу ташхис нотўғри бўлиб чиққан.

Ҳолат бўйича кучли текширувлар бошлангандан сўнг шифокорлар мисли кўрилмаган воқеага дуч келишди.

Сканерлаш Плаканиканинг жами бешта қўшимча органи – иккита бачадони, тўртта тухумдони, иккита бачадон бўйни ва учта буйраги борлигини кўрсатган. Кўп ўтмай аёлнинг битта бачадони ва иккита тухумдони олиб ташланган ҳамда иккита бачадон бўйни ҳам биттага бирлаштирилган.

Шифокорлар, шунингдек, кучли қорин оғриғига сабаб бўлган эндометриозни ҳам аниқлаган.

• АҚШ
• Lifestyle
• қизиқарли
• саломатлик
• tekshiruv