2023 йил 21 декабрь куни Daryo.uz сайтида эълон қилинган “Медиапарк сервис хизмати йўқ телевизор сотмоқда. Бу харидорни алдашми ёки устидан кулиш?” мақоласи ва YouTube платформасидаги Daryo.uz каналида “Mediapark'нинг ноқонуний товар сотаётгани маълум бўлди” номли жойлаштирилган видеоси юзасидан “MEDIAPARK GROUP” масъулияти чекланган жамияти қуйидагиларни маълум қилган:

“Мақолада келтирилган маҳсулот Ўзбекистон Республикаси ҳудудида фойдаланишга мувофиқлик сертификатига эга ва қонуний импорт қилинган ҳисобланади.

“MEDIAPARK GROUP” МЧЖ ўз мижозига ғамхўрлик кўрсатган ҳолда ишламай қолган маҳсулот пультини бепул алмаштириб беришни таклифини билдирган.

Мижозга расмий SAMSUNG сервис марказларининг кафолатланган сервис хизматини кўрсатишни рад этиш ҳолати “SAMSUNG ELECTRONICS UZBEKISTAN” МЧЖ ХКнинг ички компьютер тизимида техник хато натижасида юзага келган. Расмий сервис ходимлари ўз тизимларидаги носозликдан бехабар маълумот беришган. Бу бўйича “SAMSUNG ELECTRONICS UZBEKISTAN” МЧЖ ХК келтирилган ноқулайлик учун расмий узр сўраган.

Ҳурматли мижозлар! “MEDIAPARK GROUP” корхонаси ҳамиша мижозлари ҳақида қайғуради ва фақат расмий кафолатланган, сервис хизмати мавжуд маҳсулотларни тақдим этади”.

• Samsung
• Тошкент
• rasmiy munosabat