Донбасс республикалари, шунингдек, Запорожье ва Херсон вилоятларида минтақаларни Россия Федерацияси таркибига қўшиш масаласи бўйича ўтказилган референдумда берилган овозларни санаш якунланди.

Дастлабки маълумотларга кўра, ДХРда протоколларнинг 100 фоизи кўриб чиқилгач, фуқароларнинг 99,23 фоизи Россияга қўшилишни ёқлаб овоз берган, Луганск Халқ Республикасида – 98,42 фоиз, Запорожье вилоятида бу кўрсаткич 93,11 фоиз, Херсон вилоятида – 87,05 фоизни ташкил этган.

Россия Хавфсизлик кенгаши раиси ўринбосари Дмитрий Медведев овоз бериш натижалари якунланганидан сўнг: “Референдумлар якунланди. Натижалар аниқ. Уйга, Россияга хуш келибсиз!” – деб ёзиб қолдирди.

Россия томонига кўра, Болгария, Босния ва Герцеговина, Германия, Сербия, Мозамбик, Франция, Марказий Африка Республикасидан келган халқаро овоз бериш жараёнини кузатиб борган.

• Donetsk
• Lugansk
• Referendum\
• Россия
• Украина
• Херсон