“AnTuTu” (Андроид қурилмалари учун энг қадимги ва энг машҳур мезонлардан бири, одатда смартфон ва планшетларни синаб кўриш учун ишлатилади) мутахассислари турли брендларнинг гажетлари орасида энг самарали флагманлар ва суб-флагманларни санаб ўтди. Рўйхат iOS ва Андроид смартфонларини ўз ичига олади.

Гап жаҳон бозорида сотиладиган қурилмалар ҳақида бормоқда. Янги рейтинг рўйхатларидаги рақамлар “AnTuTu Benchmark V9” маълумотлари асосида 2023 йил 1 – 28 февралгача ҳисобланган. Натижалар энг юқори баҳо эмас, балки ўртача баллдир ва шунинг учун кўпроқ ифодалаш ҳам мумкин. Бу ҳақда “Benchmark” веб-сайтида айтилган.

Қайси смартфонлар юқори ўринда?

“Red Magic 8 Pro+” Андроид флагманлари рейтингида етакчи деб топилди. Бу сўнгги икки йил ичида энг чиройли дизайнга йўналтирилган ўйин телефони ҳисобланади.

Қурилма жуда таъсирчан экран, “кўринмас” олд камера ва ультра юпқа рамкалар билан жиҳозланган. У яхшироқ ишлаши учун кучли “Snapdragon 8 Gen 2” чипи билан таъминланган.

Пешқадамдан сўнг у билан бир хил “Qualcomm” чипига эга “Vivo X90 Pro +” вa “iQOO 11” смартфонлари ўрин эгаллаган. Яқинда чиқарилган “Samsung S23” сериясидан учта қурилманинг рейтингда кўринишини алоҳида таъкидлаш керак. Гарчи, уларнинг ҳеч бири кучли учликка кира олмаган бўлса-да.

Пастки даражали рейтинг

“iQOO Neo7” бошчилигидаги энг кучли, аммо арзон гаджетлар. Қизиқарли факт: ушбу смартфоннинг хитойча версияси кучлироқ “Dimensity 9000+” чипи билан жиҳозланган, глобал версияси эса бошқа МедиаТек процессорига эга бўлди – “Dimensity 8200”. Иккинчи ва учинчи ўринларни мос равишда “Xiaomi 12T” вa “Realme GT Neo3” эгаллади. Иккаласи ҳам “Dimensity 8100 Ultra” ёрдамида қувватланади.

Ўрта қатлам

“Snapdragon 7” серияли чипларга эга телефонлар ўрта бюджетли қурилмалар рейтингида ҳамон биринчи ўринларни эгаллаб турибди. Аммо тез орада вазият ўзгариши мумкин. Март ойи охирида МедиаТек ушбу синфдаги смартфонлар учун янги смарт-процессорни тақдим этиши кутилмоқда. Эҳтимол, у билан “Snapdragon778G” устунлиги ҳам тугайди.

Нима учун “Apple” қурилмалари рўйхатда мавжуд эмас?

iOS флагманлари рейтингида деярли ўзгаришлар йўқ. Аввалгидек, “Apple” планшетлари кучли бешликдан ўрин олган. Биринчи ва иккинчи ўринларни энг илғор “iPad Pro 6” моделлари эгаллаб турибди. Ушбу қурилма рейтингнинг мос равишда олтинчи ва еттинчи поғоналарини эгаллаган “iPhone 14 Pro” вa “14 Pro Max”ни тахминан 300-400 минг баллга ортда қолдирди.

“iPad Pro 6”нинг яхшиланган ишлаши М2 процессорига боғлиқ. Бу процессор унумдорлигини 15 фоизга, график иш фаолиятини 35 фоизга, нейрон тармоқ двигателини 40 фоизга ва хотира ўтказиш қобилиятини 50 фоизга оширишни таклиф этади.

• Android
• Apple
• Samsung
• iOS