Европа комиссияси раиси Урсула фон дер Ляен Исроил бўйича бир қатор баёнотлар берди. Бу ҳақда Euronews хабар берди.

У Европарламент депутатлари олдида Исроил билан тузилган битимни қисман тўхтатиб туришни таклиф қилди.

“Исроилга кўрсатилаётган икки томонлама ёрдамни Исроил фуқаролик жамияти билан алоқаларга таъсир қилмаган ҳолда тўхтатамиз, бу йўналишлардаги барча тўловларни бекор қиламиз”, – деган у.

​Шунингдек, сиёсатчи “Исроилнинг экстремист вазирлари ва зўравонликка қўл урувчи манзилгоҳлар аҳолиси”га, яъни яҳудий кўчманчиларига қарши санкциялар жорий этишни илгари сурган.

“Бундан ташқари, савдо масалалари бўйича ассоциация битимининг амал қилишини қисман тўхтатиб туришни ҳам таклиф этамиз”, – деган у.

Еврокомиссия октябрь ойида Фаластин донорлар гуруҳини тузиши кутилмоқда.

“Келгуси ойда биз Ғазони тиклаш учун махсус воситани ўз ичига олган Фаластин донорлар гуруҳини шакллантирамиз. Бу минтақавий ҳамкорлар билан биргаликда амалга ошириладиган халқаро ташаббус бўлади”, – дея таъкидлаган Ляен.

• Isroil
• Еврокомиссия