Аввалроқ, Давлат экология қўмитаси раиси Нарзулла Обломуродовнинг жияни Тошкент шахар давлат экологик экспертиза маркази филиалига раҳбар этиб тайинлангани ҳақида хабарлар тарқалган эди.

Ушбу мазмундаги хабар юзасидан Қўмита матбуот хизмати томонидан бу ҳақиқатдан йироқ экани айтилди ва қуйидагилар маълум қилди.

Таъкидланишича, Давлат экологик экспертизаси маркази тизимида бир неча йиллардан буён фаолият юритиб келаётган Ш.Муминов Давлат экологик экспертизаси маркази Бош директорининг буйруғига асосан Давлат экологик экспертизаси марказининг Тошкент шаҳар филиали директори лавозимига муносиб номзод топилгунга қадар директор вазифасини вақтинча бажарувчи вазифасига тайинланган.

Қайд этилишича, ушбу ходимнинг қўмита раисига қариндошлик алоқаси ҳақидаги важлар ҳақиқатга тўғри келмайди.

“Фурсатдан фойдаланиб, Давлат экология қўмитаси шахснинг қадр-қиммати камситилишига ёки унинг обрўсизлантирилишига олиб келадиган ёлғон, асосланмаган ахборотни тарқатганлик учун Ўзбекистон Республикаси қонунчилигида тегишли жавобгарлик нормалари белгиланганлигини эслатиб ўтади”, – дейилади хабарда.

• Экология
• Экопартия