Россия, АҚШ ва Хитой етакчилари Владимир Путин, Доналд Трамп ва Си Сзинпиннинг 19-ноябрь куни Хитойнинг Шенчжен шаҳрида ўтказилиши режалаштирилган уч томонлама учрашуви кун тартиби бўйича келишувга эриша олмади. Музокаралар олдиндан белгиланган кун тартибисиз ўтиши мумкин. Бу ҳақда вазиятдан хабардор манбага таяниб, Финанcиал Тимес хабар берди.
Нашр маълумотига кўра, АҚШ президенти Доналд Трамп учрашув давомида ядровий қуроллар устидан назорат масаласини кўтаришни режалаштирмоқда. Бироқ у учрашувда муайян келишувга эришишни кутмаяпти, балки учта йирик ядровий давлат ўртасида мулоқот бошланишини истамоқда.
ФТ манбаси Хитой учун ядровий қуроллар назорати мураккаб мавзу эканини таъкидлаган. Унинг фикрича, Пекин энди ушбу масала бўйича йирик давлатлар қаторида фаол иштирок этиши керак.
Манбанинг қайд этишича, учрашувда Украинадаги уруш муҳокама қилиниши эҳтимоли паст. Чунки Хитой тинчлик жараёнига бевосита қўшилишни истамаяпти. Си Сзинпин эса Трамп ва Путин билан алоҳида муносабатларини муҳокама қилишни хоҳлайди. Шу билан бирга, Пекин учрашувни 1945-йилдаги Ялта конференсияси билан қиёслашлардан қочишга интилмоқда.
Блоомберг нашрининг ёзишича, Путин ва Трампнинг алоҳида учрашуви Киев ҳамда Ғарб пойтахтларида хавотир уйғотиши мумкин. Бундай мулоқот Россия президентига Украина иштирокисиз тинчлик келишуви шартларига таъсир ўтказиш имконини бериши мумкин.
Аввалроқ Тҳе Wалл Стреэт Жоурнал АҚШ ва Хитой ўртасида уч томонлама учрашув формати бўйича келишмовчиликлар юзага келганини ёзган эди. Пекин иштирокчиларнинг олдиндан тайёрланган баёнотларни ўқишини ва муҳокама имкониятлари чекланган форматни таклиф қилган. Вашингтон эса эркинроқ фикр алмашиш имконини берадиган учрашув тарафдори бўлган.
Уч томонлама учрашувни ўтказиш ташаббуси Владимир Путиндан чиққан. WСЖ манбаларига кўра, Кремл саммитда Украинадаги урушни Россия шартлари асосида якунлаш масаласини муҳокама қилишни истаган. АҚШ эса ядровий қуролсизланиш ва Эрон билан боғлиқ ҳарбий можарони кун тартибига киритмоқчи бўлган.
Ҳозирча уч давлат раҳбарларининг учрашуви бўйича кун тартиби юзасидан якуний келишувга эришилгани ҳақида маълумот йўқ.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!