Ўзбекистонга жалб этиладиган хорижлик велоспорт спортчилари, тренерлари ва бошқа мутахассисларга кириш визалари ҳамда ишлаш ҳуқуқини берувчи рухсатномалар бепул расмийлаштирилади. Имтиёз уларнинг оила аъзоларига ҳам татбиқ этилади. Бу ҳақда Президентнинг 2026 йил 11 ноябрдаги ПҚ-394-сон қарорида белгиланган.
Қарорга мувофиқ, Спорт вазирлигининг буюртманомалари асосида тегишли давлат идоралари хорижий мутахассисларни ҳужжатлаштириш билан боғлиқ вазифаларни амалга оширади.
Хусусан, Ташқи ишлар вазирлиги хорижлик мутахассислар ва уларнинг оила аъзоларига консуллик йиғимлари ҳамда ҳақиқий харажатларни қоплаш учун ундириладиган тўловларсиз кириш визаларини расмийлаштиришни таъминлайди.
Ички ишлар вазирлиги уларга кўп марталик визалар бериш, Ўзбекистон ҳудудида вақтинча турган жойи бўйича рўйхатдан ўтказиш ва ушбу муддатни узайтириш билан шуғулланади. Камбағалликни қисқартириш ва бандлик вазирлиги эса хорижий мутахассисларга мамлакатда ишлаш ҳуқуқини берувчи тасдиқномаларни бепул тақдим этади.
Мазкур имтиёзлардан кўзланган асосий мақсад — Ўзбекистонда велоспортни ривожлантириш ҳамда миллий терма жамоаларнинг нуфузли халқаро мусобақаларда юқори натижаларга эришишига кўмаклашиш.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!