Хитой олимлари илк бор қандли диабетнинг биринчи ва иккинчи турини илдиз ҳужайраларини кўчириб ўтказиш орқали даволашга муваффақ бўлишди.

Бу янги муолажа сабабли беморлар инсулин қабул қилишни бутунлай ташласалар ҳам бўлади. Муолажа саломатликни тиклашга ёрдам беради. Бунда қайта дастурлаштирилган ҳужайралардан фойдаланилди.

Клиник синовлар чоғида қандли диабетнинг 1-туридан азият чекаётган 25 ёшли аёлда илдиз ҳужайралари трансплантацияси амалга оширилди.

Операциядан бир неча ой ўтиб, бемор организми инсулин гормонини ишлаб чиқариш қобилиятини босқичма-босқич тиклади. Натижада аёл яна соғлом ҳаётга қайтди.

Маълумки, илдиз ҳужайралари ўз-ўзидан кўпайиш, митоз ёрдамида бўлиниш ва махсус ҳужайралар ҳосил қилиш, яъни турли аъзо ва тўқималарга айлана олиш хусусиятига эга.

Замонавий тиббий амалиётда улардан онкологик, хусусан, лейкоз каби қатор касалликларни даволашда фойдаланилади. Энди бундай хасталиклар рўйхатига қандли диабет ҳам қўшилди.

Кейинги босқичда иккинчи тур билан касалланган 59 ёшли эркак даволанди. Бу усул билан даволанган бемор инсулиндан бутунлай воз кеча олди.

Шифокор Ван Шусен бу янгилик дунёда қандли диабет билан оғрийдиган миллионлаб инсонларни даволашда оламшумул ютуқ бўлиши мумкин.

• Кашфиёт
• Lifestyle
• илм-фан
• саломатлик