Сенатнинг 39-ялпи мажлисида маъмурий жарималарни тўлашда аҳолига қўшимча қулайликлар яратишга оид қонун муҳокама қилинди.

Қонун билан “Маъмурий жавобгарлик тўғрисида”ги кодекснинг 332 прим 1 моддаси, яъни жарима солиш тўғрисидаги қарорни ижро этишнинг соддалаштирилган тартиби янги таҳрирда баён этилмоқда.

2023 йил 1 майдан бошлаб, ҳуқуқбузар жарима солинган вақтдан эътиборан 15 кун ичида жариманинг 50 фоизини, 30 кун ичида 70 фоизини ихтиёрий равишда тўласа, у жариманинг қолган қисмини тўлашдан озод қилиниши белгиланмоқда. Агар ҳуқуқбузар бир ойлик муддатни ўтказиб юборса, жариманинг тўлиқ мидорини тўлаши шарт бўлади.

Мазкур тартиб суд қарорларига нисбатан қўлланиладиган жарималар учун ҳам татбиқ этилади.

Қонунга биноан, иккита истисно ҳолатда ҳуқуқбузар ҳайдовчи жаримани чегирмасиз тўлашига тўғри келади. Яъни, транспорт воситаларини маст ҳолда бошқарганлик учун, ҳайдовчи ва йўл ҳаракатининг бошқа иштирокчисининг мастлиги ёки маст эмаслигини аниқлашда текширувдан ўтишдан бўйин товлаган тақдирда жарима енгиллаштирилмайди.

• Жарима
• Қонун
• Senator