Калифорния университетининг Сан-Диего тиббиёт мактаби мутахассислари ўз жонига қасд қилишни ўйлаб юрган одамларни қон таҳлиллари орқали аниқлашни ўргандилар. Бу ҳақида Би-би-си хабар берди.

Олимлар депрессив руҳий касалликлар метаболизмга инфекциялар ва онкология каби таъсир қилишини аниқладилар. Сиқилиш ва депрессия туфайли инсон қонининг кимёвий таркиби ўзгаради. Ҳамда айнан шу ҳолатда вужудга келадиган ўзига хос бирикмалар, яъни биомаркерлар қонда пайдо бўлади.

Олимлар депрессия ҳамда ўз жонига қасд қилишга мойил бўлган одамлар ва соғлом руҳдаги инсонларнинг қиёсий таҳлилларини ўтказиб суицид ташхиси қўйиш мумкин бўлган камида бешта маркерни аниқладилар.
Тадқиқотчиларнинг фикрига кўра, бу кашфиёт суицидларнинг олдини олишга ва руҳий муаммоларни бартараф этишга ёрдам беради.

• Кашфиёт
• саломатлик