Эрон парламент комиссияси ҳижоб тўғрисидаги қонунни бузганлик учун жазони кучайтиришни маъқуллади. Бу ҳақда маҳаллий ОАВ хабар бермоқда.

Янги қонун Конституция қўриқчилари кенгашига, консерватив уламолардан ташкил топган кузатувчи органга тақдим этилади, деб ёзади манбалар.

“Қонун лойиҳаси 70 моддадан иборат бўлиб, ҳижоб кийишдан бош тортган аёлларга нисбатан анча каттароқ жарималар ва узоқ муддатли қамоқ жазоларини жорий этишни назарда тутади”, – дейилади ОАВда.

Демак, машҳурларни ҳам, компанияларни ҳам янги жазолар кутмоқда. Бундан ташқари, сунъий интеллект кийиниш қоидаларини бузганларни аниқлашда иштирок этади.

Эроннинг амалдаги қонунчилигига кўра, ҳижоб киймаган қиз 10 кундан 2 ойгача қамоқ жазоси ёки 50 000 дан 500 000 Эрон риали (1 дан 10 евро) миқдорида жаримага тортилиши мумкин.

Шу билан бирга, янги қонунлар тўпламида 5 йилдан 10 йилгача қамоқ жазоси, шунингдек, 360 миллион Эрон риали (7,8 минг евро)гача жарима белгиланиши кўзда тутилган.

• Eron
• hijob