31°
Кечаси 18°
ДХХ Фарғона вилояти бўйича бошқармаси ходимлари Ички ишлар ва Божхона органлари билан ҳамкорликда Қўқон шаҳрида гиёҳвандлик воситаларининг ноқонуний айланмасига қарши тезкор тадбирлар ўтказди.
Муқаддам судланган 44 ёшли фуқаронинг яшаш хонадони холислар иштирокида кўздан кечирилганда, ертўласидан 782 дона “Тропикамид” кучли таъсир қилувчи дори воситалари аниқланди.
Бошқа бир фуқаронинг яшаш хонадонида 758 грамм “гашиш” моддаси, гиёҳвандлик воситалари қолдиқлари бўлган 6 дона пичоқ ҳамда 4 дона электрон тарози борлиги аниқланиб, белгиланган тартибда ашёвий далил сифатида расмийлаштириб олинди.
ДХХ Наманган вилояти бўйича бошқармаси ходимлари томонидан Ички ишлар ва Божхона органлари билан ҳамкорликда ўтказилган тезкор тадбир давомида “Фарғона – Наманган” йўналишида ҳаракатланаётган “Ласетти” русумли автомашина Наманган тумани ҳудудида тўхтатилиб, кўздан кечирилди.
Натижада, Фарғона вилояти Олтиариқ туманида яшовчи, 1998 йилда туғилган фуқаро бошқарувидаги автомашина салонидан 465 грамм “гашиш” моддаси ашёвий далил сифатида олинди.
Ҳозирда мазкур ҳолатлар юзасидан жиноят ишлари қўзғатилиб, тергов ҳаракатлари олиб борилмоқда.
Бизни бошқа ижтимоий тармоқларда ҳам кузатинг:
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
