Фарғона вилояти Қўқон шаҳар шошилинч тиббий ёрдам шифохонасида кўрсатилган нотўғри тиббий ёрдам натижасида икки нафар боланинг оёқлари ишламай қолган.

Маълум қилинишича, шу йилнинг 18 апрель куни шифохона ҳамшираси Султонова шифокор томонидан тавсия этилган «Донат» номли антибиотикни, вояга етмаган беморнинг ёнбош соҳасига нотўғри инъэксия қилиши оқибатида унинг оёғида қаттиқ оғриқ кузатилиб, ишламай қолган.

Шунингдек, жорий йилнинг 3 июлида эса шифохона ҳамшираси Қаюмова шифокор томонидан тавсия қилинган «Но-Шпа» ва «Димедрол» дориларини вояга етмаган беморнинг ўнг ёнбош соҳасига нотўғри инъэксия қилган. Натижада болада ҳам юқоридагидек ҳолатлар кузатилган.

Тиббий экспертизалар орқали, болаларда кузатилган ҳолатлар нотўғри инъэксия натижасида юзага келгани маълум бўлди.

Томонларнинг ўзаро келишганлиги ва моддий зарарлар қоплангани инобатга олинган ва жиноят иши тугатилган.

• Шифокор
• Суд
• hamshira