Баъзан саёҳатларни ёки янги хонадоннинг ички таъмирини қанчалар эҳтиёткорлик билан режалаштирамиз. Бундан муҳимроқ нарса - бола тарбиясиничи?! Бу борада пухта ўйланган режамиз борми? Агар бундай бўлмаса, ёзувчи ва икки фарзанднинг онаси Линдси Миднинг мисолидан илҳом олишингиз мумкин. У фарзандлари 10 ёшга тўлгунига қадар қуйидагиларни айтишни режалаштирган.
1. Бошқаларни ҳурмат қил. Эркакларни ҳам, аёлларни ҳам.
Мактаб директори ва метродаги уйсиз одам бир хил ҳурматга лойиқ. Сен буни аввалдан инстинктив равишда қиласан. Илтимос, ушбу принципни ҳеч қачон ўзгартирма.
2. Жисмоний фаоллик – ажойиб ва қувончли жараён.
Баъзида жим бўлишга ундашим рост, чунки тинчликни маъқул кўраман, аммо бунинг устида ишлаяпман. Жисмоний фаоллик - бутунлай нормал ҳолат. Аммо чегаралар ҳам бор: жисмоний зўрлик - нормал эмас. Чегара қаердан ўтишини билиш жуда муҳим.
3. Йўқ – демак йўқ. Нуқта.
Ким нима учун "йўқʼ" деётгани муҳим эмас.
4. Таъсирчан эканингни яширма.
Ҳиссиётларингни бостирма. Бир вақтнинг ўзида ҳам кучли, ҳам таъсирчан бўлишинг мумкин. Аслида ҳиссиётга бой бўлиш сени кучлироқ қилади. Бу ўғил болаларга ҳам, қиз болаларга ҳам тегишли.
5. Бошқа бир одамни бахтли қилолмайсан – на мени, на дадангни, на синглингни. Ҳеч кимни.
Бу сени мажбуриятинг эмас. Ҳаммамиз буни биламиз, сен ҳам буни ёдингда тутасан, деб умид қиламиз.
Кимдир ўз бахти учун жавобгарликни сени зиммангга юклашига йўл қўйма.
6. Ўз ҳаётингга эътиборли бўл.
Куннинг ҳар лаҳзасида қанчадан-қанча деталлар бор. Атрофга эътибор билан назар солар эканмиз, мукофот сифатида ҳаётга тўла кунларни ва бой хотираларни оламиз.
7. Сени ўзига жалб қиладиган нарсани топ.
Бу нима бўлиши муҳим эмас. Атрофингда қанчадан-қанча ўрганиш, билиш ва синаш учун қизиқарли нарсалар бор. Ҳар қандай машғулотингни қўллаб-қувватлайман, хоккейми у, дастурлашми, скрипка чалишми, фарқи йўқ. Бироқ чин дилдан қизиқадиган нарсангни топишингни истайман.
8. Ношукрликданда ёмон нарса йўқ.
Мен қаттиққўл онаман, гарчи жазо бериш ёки уришим қийин бўлсада. Аммо ношукрликнинг майда бир кўринишини сезсам, дарҳол жавоб бераман (афсусланмасдан). Сенда камдан-кам бундай ҳолат бўлади ва табиатан бундай эмаслигингга ишонаман.
Илтимос, ҳар доим омадимиз борлиги эсингда бўлсин. Ҳар куни яшаётганимиз катта шарафдир. Кичик якшанба совғалари, волонтёрлик, уйсизларга ёрдам бериш, миннатдорлик қоғозчалари - бизнинг оиламиз каби яшаш нақадар катта бахт эканлигини кўрсатишга ҳаракат қилдим. Бу ношукрликка қарши энг яхши эмлаш.
9. Ҳатто бирор нарса қилишни бошламасанг ҳам, хато қилишинг мумкин.
Мартин Лютер Кингнинг бир гапини ҳар доим эслайман: "Дўстларимизнинг сукут сақлаши душманларимизнинг сўзларидан кўпроқ зарар етказади". Бузғунчи гуруҳ раҳбарини айблаш керак, лекин унга эргашганлар ҳам айбдор. Кўзга кўринган болалар ёмон иш қилишганда уларга қаршилик кўрсатишдан қўрқма.
10. Сени нима бўлишидан қатъи назар яхши кўраман.
Хатолар –ҳаётнинг бир қисмидир. Агар хато қилсанг ҳам сени яхши кўраман. Бирор нарсани ўрганиш учун ўтмишни қўйиб юбориб, қайтадан бошлаш керак. Мен буни ўзимнинг мисолим билан кўрсатдим, эҳтимол жуда аниқ кўрсатдим: сизларни ўзининг заиф томонларини кўрсатишдан қўрқмайдиган, хато қилишдан, кечирим сўрашдан ва яна қайта бошлашдан қўрқмайдиган она тарбияламоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!