Куни кеча Қашқадарёда вилоят, туман ва шаҳар Кенгашлари депутатларининг қўшма мажлиси бўлиб ўтганди. Унда Қашқадарё вилоят ҳокими Муроджон Азимов Олий Мажлис Сенати аъзолигига сайланганди.
Шундан сўнг, Олий Мажлис Қонунчилик палатаси депутати Расул Кушербаев ўзининг Телеграм каналида вилоят ҳокимларини сенатор бўлиб сайланишини танқид қилди.
Ўзбекистондаги мантиқсиз амалиётлардан бири-вилоят ҳокимларининг Сенат аъзолигига сайланиши давом этмоқда.
Куни кеча Қашқадарёда вилоят, туман ва шаҳар Кенгашлари депутатларининг қўшма мажлиси бўлиб ўтган. Ва унда Сенат аъзоси сайлови бўлиб ўтган.
Ўта «демократик» талаблар асосида ўтган сайловда кутилмаганда вилоят ҳокими М.Азимов Сенат аъзолигига сайланибди.
Шу негадир бизда барча вилоят ҳокимлари доимо сенатор этиб сайланаверишади, ҳеч бир номзод уларни енга олмайди.
Балки шунча одамни сайлов, деб овора қилмай ким вилоят ҳокими этиб тайинланса унга «автоматик» равишда сенаторлик нишонини ҳам топширган маъқулдир. Ресурс ва асаб иқтисод бўларди. Чунки бошқа номзодлар қанча чиранмасин бари-бир вилоят ҳокимини ортда қолдириб, сенатор бўла олмайди. Шу кунгача биз бунақасини кўрмаганмиз.
Энди гапни дангалига ўтсак. Биласизми аслида бу абсурд: ижро ҳокимияти вакили бир вақтни ўзида қонун чиқарувчи ҳокимиятда ҳам вакил бўлмоқда. Ва бу ҳокимиятлар бўлиниш принципига, демократик тамойилларга мос келармиш.
Энди мана шундай мантиқсиз ва кулгули аҳволни бартараф этиш, ҳақиқий демократик талабларга мос амалиётга ўтиш учун ҳам суд ва қонун чиқарувчи (парламент) вакили бошқа ҳокимият вакили бўла олмаганидек, ижро ҳокимияти вакиллари, хусусан ҳокимларнинг ҳам қонун чиқарувчи(Сенат) ҳокимият вакили бўлиши мумкин эмаслигини Конституцияда мустаҳкамлаб қўйишимиз шарт.
Шунда ҳокимиятлар бўлиниши принципини демократик тамойилларга мос, деса бўлади. Унгача сенаторликка сайловларда доимо ҳозирча вилоят депутатларининг ҳам бошлиғи ҳисобланган вилоят ҳокимлари ғолиб бўлиб чиқаверади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!