Исроил ҳукумати қурилиш ишларига Ўзбекистон, Ҳиндистон ва Шри-Ланка фуқароларини таклиф қилмоқчи.

Улар хорижлик муҳожирлардан фойдаланиб, сўнгги ойларда соҳада шаклланган ишчи кучи танқислигини тўлдирмоқчи.

Исроил – Фаластин уруши авж олишидан аввал Исроил қурилиш майдонларида 72 мингга яқин фаластинликлар ишлаб келаётган бўлган. Ғазодаги можаро авж ола бошлаганидан сўнг, Исроил хавфсизлик идоралари уларнинг ишлаш рухсатномаларини тўхтатиб, мамлакатдан чиқариб юборган.

Шу сабабли қурилиш майдончаларида 20 минг хорижлик ишламоқда, майдонларнинг ярмида ишлар тўхтатилгани айтилмоқда.

Умумий ҳисобда учта мамлакатдан 65 минг нафар меҳнат мигрантларини жалб этиш режалаштирилган. Янги ишчилар қурилиш объектларида кадрлар етишмаслиги муаммосини ҳал қилишлари керак.

Маълумотларга кўра, хорижий ишчиларнинг биринчи гуруҳи яқин ҳафталарда мамлакатга етиб бориши кутилмоқда.

• Ҳиндистон
• Isroil
• Shri-Lanka