11 май куни “Барселона” жамоаси Ла Лига чемпионлигини нишонлаш мақсадида чемпионлик парадини ташкил қилди. Унда жамоа етакчиларидан бири Ламин Ямаль Фаластин байроғи билан иштирок этди.
Ижтимоий тармоқларда тарқалган видеоларда 18 ёшли футболчи автобус устида Фаластин байроғини ҳилпиратаётгани акс этган. Парад давомида минглаб мухлислар “Барселона” футболчиларини қарши олиш учун шаҳар кўчаларига чиққан.
“Барселона” 10 май куни азалий рақиби “Реал Мадрид”ни 2:0 ҳисобида мағлуб этиб, клуб тарихидаги 29-Ла Лига чемпионлигини қўлга киритганди.
Маълумот учун, 2023 йил октябрь ойида Ғазодаги уруш бошланганидан буён Барселона шаҳри Испанияда Фаластинни қўллаб-қувватловчи намойишларнинг асосий марказларидан бирига айланган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!