Давлат кадастрлари палатасининг Фарғона вилояти туманларидан биридаги филиали раҳбари, 1990 йилда туғилган фуқаро, ноқонуний қурилган савдо дўконига нисбатан Кадастр агентлигининг туман бўлими томонидан тузилган далолатномани бекор қилдириш ҳамда қонуний чора кўрилмаслигини таъминлаш эвазига жорий йилнинг июль ойи бошларида 600 АҚШ доллари олган.

Бироқ мансабдор шахс ваъдасини бажармай, фуқаро берган пулнинг 500 АҚШ долларини қайтариб берган.

Давлат хавфсизлик хизмати ва Иқтисодий жиноятларга қарши курашиш департаменти ходимлари томонидан олиб борилган тезкор-қидирув тадбирлари натижасида мазкур ноқонуний ҳолат фош этилган.

Ҳолат юзасидан Кадастрлар палатаси филиали раҳбарига нисбатан жиноят иши қўзғатилган.

Ҳозирда дастлабки тергов ҳаракатлари олиб борилмоқда.

Ҳурматли фуқаролар! Кундалик ҳаётингизда шу каби қонунбузилиш ҳолатларига дуч келсангиз, ДХХнинг 1520 қисқа рақамига қўнғироқ қилиб, хабар беришингиз мумкин. Шахсингизнинг сир сақланиши кафолатланади.