Ўзбекистон мустақиллигининг 35 йиллиги муносабати билан туркиялик таниқли олим Кемал Явуз Атаманнинг “Мен таниган Ўзбекистон” номли китоби нашр этилди.

Асар Республика Маънавият ва маърифат маркази, “Маърифат” тарғиботчилари жамияти ҳамда Ижтимоий-маънавий тадқиқотлар институти ҳамкорлигида амалга оширилаётган “Маърифат элчилари” лойиҳаси доирасида ўзбек ва турк тилларида чоп этилди.

Китобда муаллифнинг 1991 йилдан буён Ўзбекистон бўйлаб амалга оширган сафарлари, илмий экспедициялари, архив тадқиқотлари ва юртдошлар билан мулоқотлари асосида шаклланган кузатувлари жамланган. Унда Янги Ўзбекистонда амалга оширилаётган ислоҳотлар, мамлакат тараққиёти, маданий мерос, халқимизнинг қадриятлари ҳамда Ўзбекистоннинг халқаро майдондаги ўрни хорижлик олим нигоҳида таҳлил қилинган.

Китоб тақдимотида давлат ва жамоат ташкилотлари вакиллари, олимлар, академиклар, зиёлилар, ёзувчи ва таржимонлар, дипломатик корпус, оммавий ахборот воситалари вакиллари, талабалар ҳамда кенг жамоатчилик иштирок этди.

“Мен таниган Ўзбекистон” китоби мамлакатимиз ҳақидаги илмий кузатувлар ва самимий таассуротларни ўзида мужассам этган муҳим нашр сифатида эътироф этилмоқда.