Ўзбекистонлик профессионал боксчи Қудратилло Абдуқаҳҳоров АҚШда иммигратсия қоидаларини бузиш билан боғлиқ ҳолат сабаб ҳибсга олиниб, кейинчалик мамлакатдан депортатсия қилинган. Бу ҳақда “Фигҳтинг Стйлес” нашри хабар берди.

Абдуқаҳҳоров 2026 йил 21 март куни Жанубий Калифорнияда ўтказилган ПроБох бокс оқшомида Жошуа Кевин Антонга қарши рингга чиққан. Ўзбекистонлик боксчи жангнинг биринчи раундида техник нокаут билан мағлуб бўлган. Раунд якунлангач, у ўзини ёмон ҳис қилгани ва бошида кучли оғриқ сезганини билдирган. Шундан сўнг жангни давом эттирмасликка қарор қилинган.

Жангдан кейин боксчи Лос-Анжелесдан доимий яшаб, ишлаб келган Пенсилванияга йўл олган. Унинг сўзларига кўра, автомобилда бирга кетаётган таниши билан тегишли ҳужжатлар ва амалдаги визалар бўлмаган.

Орадан 5–6 кун ўтиб, уларни политсия тўхтатган ва Абдуқаҳҳоров ҳибсга олинган. Кейинчалик боксчи АҚШ Иммигратсия ва божхона назорати хизмати (ИCЕ) ихтиёрига топширилиб, Ваёминг штатидаги Сwеэтwатер Cоунтй Жаил ҳибсхонасига юборилган.

Абдуқаҳҳоровнинг айтишича, у ушбу ҳибсхонада 45 кун сақланган. Унинг учун 25 минг доллар миқдорида гаров пули тўланган бўлса-да, боксчи тахминан бир ой давомида адвокат хизматидан фойдалана олган, кейинчалик эса адвокати билан алоқаси узилган. Ҳибсда бўлган вақтида интернетдан фойдаланиш имконига ҳам эга бўлмаган.

Боксчи ҳибсда унга нисбатан зўравонлик ёки бошқа турдаги тазйиқ ўтказилганини маълум қилмаган. Бироқ у профессионал боксда бир қатор нуфузли камарларни қўлга киритган спортчи сифатида бундай вазиятга тушиб қолишини кутмаганини билдирган.

Шунингдек, Абдуқаҳҳоров ва унинг менежери Кике Маганя ўртасида молиявий можаро юзага келгани маълум бўлди. Боксчи менежерини 21 мартдаги жанг учун белгиланган гонорарни бермаганликда айблаган. Маганя эса бу даъволарни рад этиб, Зелле орқали амалга оширилган тўловларни тасдиқловчи скриншотларни тақдим этганини айтган.

Менежернинг таъкидлашича, гонорардан солиқлар ва бошқа мажбурий тўловлар ушлаб қолинганидан сўнг, маблағ боксчининг ҳисоб рақамига ўтказилган. Абдуқаҳҳоров эса ушбу пулни олмаганини билдирмоқда.

Маганянинг сўзларига кўра, боксчининг АҚШда ишлаш визаси бўлган, бироқ унинг амал қилиш муддати тугаган. Менежер Абдуқаҳҳоровга Ўзбекистонга қайтиб, ҳужжатларини тартибга келтиришни тавсия қилган. Бироқ боксчи АҚШда қолиб, ДоорДаш ҳайдовчиси сифатида ишлашда давом этган. Кейинчалик у ҳибсга олиниб, мамлакатдан депортатсия қилинган.

Айни пайтда Абдуқаҳҳоров ва менежери ўртасидаги молиявий низо ҳал этилмаган. Нашр маълумотларига кўра, ушбу масала юзасидан ҳозирча суд жараёни ҳам бошланмаган.

Ҳозирда Абдуқаҳҳоров Ўзбекистонда, оиласи билан Андижонда яшамоқда. У машғулотларни давом эттириб, навбатдаги жанги учун рақиб изламоқда.

Мажбурий депортатсия сабаб боксчи ҳозирча АҚШга қайта олмайди. Унинг мамлакатга қонуний равишда қайтиши учун камида бир йил кутишига тўғри келиши мумкин. Бироқ тақиқ муддати бундан узоқроқ бўлиши ҳам эҳтимолдан холи эмас.