2025 йилнинг I чорагида 168 146 нафар истеъмолчига 19,7 миллиард сўмга яқин ижтимоий кешбек тўлаб берилган.

2023 йил 1 майдан “Ижтимоий ҳимоя ягона реестри”га киритилган жисмоний шахслар чакана савдо объектларидан мол, қўй ва парранда гўшти, тухум ва ўсимлик ёғи сотиб олганда харид суммасидан 1 фоиз миқдордаги кешбек ўрнига, 12 фоиз ҚҚС (ижтимоий кешбек) суммасини қайтариб олмоқда.

Энг кўп ижтимоий кешбек олган ҳудудлар:

Тошкент шаҳри — 5,4 миллиард сўм;

Самарқанд вилояти — 2,2 миллиард сўм;

Тошкент вилояти — 1,8 миллиард сўм.

Бугунги кунда ҚҚС қайтариладиган маҳсулотлар рўйхати қуйидагича:

— қўй гўшти;

— парранда гўшти;

— мол гўшти;

— тухум;

— ўсимлик ёғи;

— ун;

— шакар;

— дори воситалари;

— тиббий хизматлар.

ҚҚС қайтаришда қуйидагилар ҳисобга олинади:

— харид қилинган товар ҚҚС қайтариладиган маҳсулотлар рўйхатига киритилгани;

— харидор “Ижтимоий ҳимоя ягона реестри”га киритилгани;

— тадбиркор ҚҚС тўловчиси сифатида рўйхатдан ўтгани.

Кешбек олиш учун Soliq мобил иловасида харид чекининг ҚР-кодини сканер қилиш лозим.

• Oila
• ҚҚС
• Солиқ