Камола Шавкатовна Собирова Ўзбекистон Республикаси ахборот технологиялари ва коммуникацияларини ривожлантириш вазирининг маслаҳатчиси лавозимига тайинланди. Бу ҳақда вазирлик ахборот хизмати хабар бермоқда.

У АКТ вазирлигида ёшлар ва аёлларни IТ соҳасига жалб қилиш ҳамда Ўзбекистонни Минтақавий IТ-марказига айлантириш юзасидан тарғибот ишларини амалга ошириш бўйича фаолият олиб боради.

Вазирликнинг Жамоатчилик ва оммавий ахборот воситалари билан алоқалар бўлими бошлиғи – Матбуот котиби Шерзод Ахматов ўз лавозимида фаолиятини давом эттиради.

Маълумот ўрнида, Камола Шавкатовна Собирова (Раҳмонова) 1983 йил 13июнда Тошкент шаҳрида туғилган. Фаолиятини 2001 йили Ўзбекистон миллий телерадиокомпаниясининг “Ёшлар” каналида таржимонликдан бошлаб, турли халқаро ва маҳаллий ташкилотларда масъул вазифаларда давом эттирган. У рус, инглиз ва испан тилларини билади. Оилали. 4 нафар фарзанди бор.

• АКТ
• Маслаҳат
• Вазирлик