Шимолий Кореяда конституцияга киритилган янги ўзгартишларга кўра, мамлакат етакчиси Ким Чен Ин давлат раҳбари сифатида қайта тасдиқланди ҳамда унга ядровий қуролдан фойдаланиш ваколати берилди. Бу ҳақда Reuters хабар берди.

Маълум қилинишича, янгиланган ҳужжат Ким Чен Иннинг Давлат ишлари раиси сифатидаги ваколатларини кенгайтиради ва зарур ҳолатларда ядровий қуролни қўллаш имконини назарда тутади.

Шунингдек, конституцияда Шимолий Корея “урушнинг олдини олиш” мақсадида ядровий дастурини ривожлантиришда давом этиши белгилаб қўйилган.