Кир ювиш машинасини танлашда нималарга эътибор бериш кераклигини билмайсизми? Келинг, биз сизга ёрдам берамиз.

1. Машинани қаерга ўрнатиш мумкинлигини олдиндан аниқлаб олинг.

Харидга йўл олишданн аввал, машинани қаерга қўйишни аниқлаб олинг. Бу одатда ошхона ёки ҳаммом бурчагидаги бўш жой бўлади.

Аксарият кир ювиш машиналари стандарт - фронтал моделлар - 60х85х45, вертикал моделлар- 40х90х60 см. ўлчамга эга бўлади.

Фронтал моделлар кўп қиррали бўлиб, эшикни очиш ва ёпиш учун қарама-қарши томондан озгина қўшимча жой талаб қилади.

Вертикаллари эса ўз навбатида бироз қимматроқ, шу билан бирга паст бўйли одамлар ёки қариялар учун ноқулай бўлади.

2. Чўнтагингиз кўтарадиган нархни олдиндан белгилаб олинг.

Қимматбаҳо моделларнинг афзалликлари ҳақида исталганча гапириш мумкин, аммо маблағ чекланган бўлса, бир нечта махсулот ичидан энг яхшисини танлашингиз керак. Бу нарх-сифатнинг оптимал нисбати ва пулингиз тежалишини кафолатлайди.

Одатда  “Miele” кир ювиш машиналари энг қиммат ва ишончлиси ҳисобланади, “Bosch”, AEG, “Siemens” моделлари эса қимматроқ. “Zanussi”, “Candy”, “Eurosoba”, “Ariston”, “Midea” моделларининг нархи ўртача, “Beko”, “Ardo”, “Hansa”, “Hotpoint-Ariston”, “Indesit” моделларининг нархи нисбатан арзонроқ.

LG ва “Samsung” брендни сақлаб қолишга ва кенг доирадаги мижозлар учун махсус моделларни ишлаб чиқаришга ҳаракат қилади. Шунинг учун уларда нархлар танлови кенг.

Таъкидлаш мумкинки, кир ювиш машиналарининг баъзи моделлари олинадиган устки қопқоқ билан жиҳозланган ва ишлаб чиқарувчилар уларни ошхонадаги стол остига қўйиш мумкинлигини айтишади.

3. Кир ювиш машинасининг сиғими билан танишинг.

Бу эътибор талаб қилмайдиган жиҳатдек туюлиши мумкин, аммо катта ҳажмли кир ювиш машиналари катта оилалар учун кўпроқ мос келади. Бир томондан, унда ёпинчиқларни ҳам ювиш мумкин, лекин бошқа томондан, агар хонадонда 1 ёки 2 киши яшаса, кир кийимларни тўплаб, кейин ювишларига тўғри келади.

Кир ювиш машинасини харид қилишда нафақат унинг сиғими, балки барабан ҳажмига ҳам эътибор қаратиш маслаҳат берилади.

4. Қуритиш функциясига эътибор беринг

Агар хонадонда “балкон" бўлса ёки ҳовли уйда яшасангиз, кирларни қуритишга имконингиз бўлса, бу жиҳатга аҳамият бермасангиз ҳам бўлаверади. Аммо баъзи уйларда кийим-кечак илиш учун жой йўқ ва радиаторлардан фойдаланишга тўғри келади.

Бундан ташқари, агар кўчада чанг кўп бўлса ёки оила аъзоларингиздан бирини аллергик касалликлар безовта қилса, кийимни осиб қўйиш учун вақт етарли бўлмаса, қуритиш функсияси энг аҳамиятлиси саналади.

Албатта, маблағингиз етарли бўлса, қуритиш имконияти яхшироқ машина сотиб олганингиз маъқул.

5. Кир ювиш машинасида сув оқишидан ҳимоя функсияси борлигини текширинг.

Кир ювиш машинаси ишлаётган вақтда ҳар доим уйда бўласизми? Агар жавобингиз йўқ бўлса, унда пастки қўшниларнинг уйини “сув босиши" хавфи мавжуд.

6. Кир ювиш машинаси двигатели қандай эканини текширинг.

Кир ювиш машинасида тез-тез учрайдиган носозликлардан бири подшипникларнинг эскиришидир. Уларни алмаштириш осон бўлса ҳам, бу иқтисодий жиҳатдан фойдали эмас. Ундан кўра янги кир ювиш машинасини сотиб олиш осонроқ. Энг янги моделлар кўпинча аввалгиларига нисбатан сифатлироқ бўлади.

7. Қўшимча хусусиятларни текширинг.

Энергия сарфи, сув сарфи ва шовқин даражаси аслида энг керакли хусиятлардан саналади.

Ушбу кўрсаткичлар кир ювиш машинасининг қанчалик тежамкор, шовқинсиз эканлиги ва кирларни қуритиш даражасини аниқлашга ёрдам беради.

8. Кир ювиш машинасида қандай дастурлар борлигини кўриб чиқинг.

Аслида фойдаланмайдиган функсиялар учун ортиқча пул тўлаш шарт эмас. Бундан ташқари, ускуна қанчалик мураккаб тузилишга эга бўлса, унинг бузилиши эҳтимоли шунчалик юқори ва таъмирлаш нархи қимматроқ бўлади. Баъзилар, буни сифатга “тўнкаб қўя қолади.

Ҳамма учун фойдали бўлган дастурлар:

- ювиш бошланганидан кейин кирларни қайта юклаш имконияти;

- режимлар: тез ювиш 15-30 дақиқа, олдиндан ювиш, эко-ювиш (вақтни кўпайтириш билан ресурсларни тежаш имконини беради), турли матоларни ювиш), ҳаво пуфакчали ювиш (доғларни эҳтиёткорлик билан кетказиш учун), буғ билан ишлов бериш (бактериялар ва аллергенларни олиб ташлаш, шунингдек, ҳидларни йўқотиш учун сув ва кукунсиз ювиш), спорт кийимлари ва поябзалларини ювиш (ювиш керак бўлганда жуда кўп ёрдам беради);

- кўпикни назорат қилиш;

- носозликларни ўз-ўзидан ташхислаш;

- ўз-ўзини тозалаш.

Ортиқча бўлмайдиган дастурлар:

- кир ювишни ақлли бошқариш (“Fuzzy Logic”, “Intellowasher”, “Fuzzy Control”, “Auto Optimal Wash” ва бошқалар) - ўрнатилган микропроцессор ювиш жараёнини тўлиқ назорат қилади, сув сарфи, унинг ҳарорати, ювиш вақти, айланиш оптимал тарзда бўлади;

- Wi-fi ва NFCни смартфон орқали ювиш жараёнини кузатиш ва бошқариш, ўз дастурларингизни яратиш имконини беради.

9. Белгиланган хизмат муддати ва кафолатга эътибор беринг

Ушбу кўрсаткич машина сизга қанча вақт хизмат қилишини айтиб беради, узоқроқ кафолат ҳамда қўшимча имтиёзлар тақдим этади. Кир ювиш машинасининг хизмат қилиш муддати қурилиш сифати, унинг қисмлари, фойдаланиш частотаси, тўғри парвариш қилишга боғлиқ. Замонавий машиналар учун 5 йилдан 10 йилгача кафолат берилади.

“Bosch”, “Miele”, LG, “Samsung”, AEG ва  “Electrolux” кир ювиш машиналари одатда кўпроқ функсия ва чидамкорликка эга бўлади.

10. Дўкондаги хизмат кўрсатиш сифатига эътибор беринг

Кафолат картасини олиш ёки электрон почта орқали чекни сақлаб қўйишни унутманг.

• Фойдали
• лайфхак