Италиялик Лучано ДЪАмо узоқ йиллик комадан кейин хотирасини йўқотди — 63 ёшли эркак ўзини 24 ёшли йигит деб ҳисоблашни бошлаган. ДЪАмо 2019 йилда содир бўлган авариядан кейин комага тушган ва мана беш йилдан бери янги реалликлар — GPS, смартфонлар ва 30 ёшли ўғли борлигига кўникишга уринмоқда.

ДЪАмо 40 йил давомида нималар содир бўлганини эслай олмайди, италияликнинг охирги хотиралари 1980 йилнинг мартларига тегишли. Комадан кейин у кўзгуга қараб ўзини танимаган, рафиқасини эса нотаниш кекса аёл сифатида қабул қилган. 1980 йилда аёл 19 ёшда бўлган ва ДЪАмо унга уйланиш умидида юрган. Бундан ташқари, комадан уйғонгач у онасига қўнғироқ қилиб беришларини сўраган — эркак ўз онаси вафот этган даврни ҳам эслай олмаган. ДЪАмо ўзини аэропортдаги ерусти операциялари бўйича офицер сифатида эслаб қолган, аммо у ҳаётини нолдан бошлашга мажбур бўлган ва мактабга қўриқчи сифатида ишга кирган. Ҳозирда хотирасини йўқотган эркак 68 ёшда ва у ўтмишдаги айрим деталларнигина эслашга муваффақ бўлмоқда. Беш йил ўтган бўлса-да, ДЪАмо ҳамон баъзи қийинчиликларга дуч келяпти.

Масалан, у самолётда учганини эслай олмайди, ўз ватанида яқин йилларда юз берган фактларни билмайди.

• Италия
• Тарих
• Тиббиёт
• Xotira
• қизиқарли
• саломатлик