14 июнь куни Кўксарой қароргоҳида мамлакатимизга давлат ташрифини амалга ошираётган Корея Республикаси Президенти Юн Сок Ёлни тантанали кутиб олиш маросими бўлиб ўтди. Бу ҳақда Президент Матбуот котиби хабар берди.

Қайд этилишича, қароргоҳ олдидаги майдонда икки давлат байроқлари кўтарилган ва фахрий қоровул саф тортган.

“Ўзбекистон Республикаси Президенти Шавкат Мирзиёев олий мартабали меҳмонни самимий қарши олди ва шоҳсупага таклиф қилди. Давлат мадҳиялари янгради.

Ҳарбий оркестр садолари остида етакчилар фахрий қоровул сафи олдидан ўтдилар ҳамда расмий делегациялар аъзоларини бир-бирларига таништирдилар”, дейилади хабарда.

Шунингдек, биргаликда суратга тушилгандан сўнг тор доирадаги музокаралар бошланган.

• Корея
• Мирзиёева