Коррупцияга қарши курашиш агентлиги раҳбари Акмал Бурхонов Агентлик биноси деворига чизиб кетилган “Коррупция” номли суратга муносабат билдирди.

“Биз ҳар куни коррупция балосидан тезроқ қутулиш, юртимиз ривожига ўз ҳиссамизни қўшишга ҳаракат қиламиз. Бироқ, коррупция иллати ҳанузгача елкамизда оғир юк бўлиб қолмоқда.

Бу юкдан қанча тез қутулсак, олдимизга қўйилган мақсадларга шунча тез эришамиз. Бунинг учун нафақат Коррупцияга қарши курашиш агентлиги, балки аҳолининг барча қатламлари фаол иштирок этишлари, кўмаклашишлари керак”, – дейди Агентлик раҳбари.

Бурхонов, шунингдек, Агентлик мазкур граффити муаллифи inkuzart’нинг ижодий ғоясини ва шу каби коррупцияга нисбатан муросасизликка қаратилган креатив ёндашувларни доимо қўллаб-қувватлашини билдирган.

• Аксилкоррупция
• Граффити
• Коррупция